داعش توں چھٹکارے لئی طالبان واحدآپشن اے،عمران خان
اسلام آباد(بیورورپورٹ)وزیراعظم عمران خان نے آکھیا اے کہ داعش توں چھٹکارا پان لئی طالبان واحد تے چنگی آپشن نیں۔دنیا نوں افغانستان دے نال ہر صورت گل بات کرنی چاہیدی اے۔ ویلا آگیا اے کہ امریکہ قائدانہ کردار ادا کرے ۔ کابل وچ کرپٹ سرکار دی وجہ توں ای طالبان نوں شہرت ملی۔ اشرف غنی دی سرکار تے ایہناں دی سیکورٹی فورسزہن کتھے نیں؟پاکستان نے افغان مسئلے اتے امریکہ دا اتحادی بن کے سبھ ت وں زیادہ نقصان چکیا۔ امریکہ، افغانستان نوں امداد ی پیکیج دیوے ورنہ اوہ داعش دی پناہ گاہ بن جاوے گا۔ مستحکم سرکار آئی ایس ایس توں چنگی طورتے نمٹ سکدی اے۔ اسرائیل نوں تسلیم کرن لئی کسی عرب ملک نے دبائو نہیں پایا۔ برطانوی خبررساں ادارے نوں انٹرویو دیندیاں ہویاں وزیراعظم نے آکھیا افغانستان وچ طالبان دا اقتدار پرامن طریقے دے نال منتقل ہویا،کوئی خونریزی نہیں ہوئی۔ افغانستان وچ امریکی فوج دے جان دے بعد خلا روے گا۔ افغانستان وچ امن تے استحکام خطے دے لئی ناگزیر اے۔





















