وزیراعظم عمران خان نے کسان پورٹل دا افتتاح کر دتا

اسلام آباد(پنجابی میڈیا گروپ)وزیراعظم عمران خان نے کسان پورٹل دا افتتاح کر دتااے۔ اوہناں نے آکھیا کہ محنت کش طبقے دی مدد دے نال اللہ خوش ہوندا اے۔ نکا کسان خوشحال ہووے گا تے پیسہ بیرون ملک نہیں لے جایاجاوے گا۔ اوہ لندن وچ فلیٹ نیں لے گا۔ اسلام آبادوچ کسان پورٹل دے اجراء دی تقریب دے نال وزیراعظم عمران خان نے خطاب کردیاں ہویاں آکھیا اے کہ ساڈے ملک وچ اکثریت نکے کساناں دی اے۔ محنت کش تے مزدور دی آواز ظالم تے طاقتور دے ساہمنے دب جاندی اے۔ ساڈی پارٹی نے ہمیشہ انصاف لئی تحریک چلائی۔ ساڈی کوشش سی کہ نکے طبقے نوں انصاف فراہم کرنا اے۔ وزیراعظم داآکھنا سی کہ نکے کسان دی مدد کرنا میرا ویژن اے۔ کسان نوں فصل دی پوری قیمت وصول کرانا میرا عزم سی۔ وزیراعظم نے تقریب دے نال گل بات کردیاں ہویاں آکھیا اے کہ کسان کارڈ دے نال نکے کسان دی براہ راست مدد ہووے گی۔ کساناں نوں گنے دی قیمت گٹھ ملدی سی شوگر ملز والے کساناں نوں انتظار کرواندے سن۔ ہن کساناں دی آمد ن وچ اضافہ ہویا اے۔ کاشتکاراںنوں پیداوار دا چنگا معاوضہ دتا جارہیا اے۔

اپنا تبصرہ گھلو