ذخیرہ اندوزاں دے خلاف سخت اقدامات کررہے آں،شاہ محمود قریشی
دریاخان(پنجابی میڈیا گروپ)وزیر خارجہ مخدوم شاہ محمود قریشی نے آکھیا اے کہ مہنگائی اتے سرکار جلد قابو پالوے گی۔ مصنوعی مہنگائی تے ذخیرہ اندوزاں دے خلاف سخت اقدامات کررہے آں،عالمی سطح اتے پٹرولیم مصنوعات دی قیمتاں وچ اضافے اتے پاکستان وچ وی قیمتاں ودھیاں نیں۔ ایہناں خیالات دا اظہار اوہناں نے مرکزی انجمن تاجران رجسٹرڈ دریاخان دے صدر ملک انتظار حسین شاکر دے نال اپنی رہائش گاہ اتے ملاقات وچ کیتا۔ وزیرخارجہ نے آکھیا کہ تاجر برادری ملک دی ترقی و خوشحال وچ کلیدی کردار ادا کردی اے ایس ویلے بطور محب وطن ہون دے تاجر برادری مصنوعی مہنگائی دا تدارک کرکے عوام نوں ریلف فراہم کرے ۔وطن عزیز درست سمت وچ جارہیا اے ۔جلد ترقی وخوشحالی دا دورہووے گا۔ پی ٹی آئی سرکار نے بلاامتیاز احتساب دے عمل دے نال قوم دی لٹی ہوئی دولت نوں واپسی یقینی بنایا۔ کامیاب خارجہ پالیسی دے نال ملک دا وقار ودھیا اے۔ تے عالمی سطح اتے ایس نوں تسلیم کیتا گیااے۔





















