ریاست مدینہ دی مثالاں دین والے توشہ خانہ ہضم کرگئے، مریم نواز

لہور( پنجابی میڈیا گروپ) مسلم لیگ نون دی نائب صدر مریم نواز نے وزیراعظم عمران خان اتے کڑی تنقید کردیاں ہویاں آکھیا اے کہ ریاست مدینہ دی مثالاں دین والے توشہ خانہ ہضم کرگئے،جہدے کتے وی اعلیٰ قسم دے گوشت اتے پلدے ہون اینج دی ریاست مدینہ دا نا ں زبان اتے لے آئوندیاں ہویاں ہزار واری سوچنا چاہیدااے۔ سوشل میڈیا پیغامات وچ وزیر اعظم عمران خان اتے ‘ریاستِ مدینہ’ بنان دے حوالے دے نال بیانات دین اتے سخت تنقید کردیاں ہویاں مریم نواز نے آکھیا کہ جس ملک وچ عوام فاقیاں دے نال مر رہے ہون ،والدین مہنگائی توں تنگ آکے بالاں نوں زہر پلا کے خود کشیاں کررہے ہون ایس ملک دا حکمران ایس ریاست نوں ریاست مدینہ دی بنان دی گلاں کردا اے۔

اپنا تبصرہ گھلو