نان اسٹاپ مہنگائی:پاکستان ڈیموکریٹک موومنٹ سڑکاں اُتے آگئی
لہور(پنجابی میڈیا گروپ)نان اسٹاپ مہنگائی دے خلاف پاکستان ڈیموکریٹک موومنٹ سڑکاں اتے آگئی۔ ایدھر نون لیگ نے مہنگائی دے خلاف احتجاج دا شیڈول جاری کردتا اے۔ خانیوال تے سیالکوٹ وچ کل میدان لگے گا۔ گوجرانوالہ، گجرات، ساہیوال تے ملتان وچ 24 اکتوبر نوں مظاہرے ہون گے۔مسلم لیگ (ن) پنجاب دے صدر راناثنااللہ نے پنجاب وچ مہنگائی دے خلاف عوامی احتجاجی مظاہریاں دا شیڈول جاری کیتا۔ ڈاکٹرز، لیبر تے تاجر سنے ساریاں تنظیماں تے ونگز نوں ہدایات جاری کر دتیاں گئیاں ۔ جہدے وچ آکھیا گیا اے کہ سارے مظاہریاں وچ عوامی شرکت نوں یقینی تے حکومتی نااہلی ، کرپشن، مہنگائی پہ عوام دے نال شانہ بشانہ کھڑا ہویا جاوے۔
Load/Hide Comments





















