127ورھےپرانے جیل قنون نوں تبدیل کیتا جا رہیا اے : عثمان بزدار
لہور(پنجابی میڈیا گروپ)وزیراعلی عثمان بزدار نے آکھیا اے کہ 127 سالہ پرانے جیل قوانین تے قواعد و ضوابط نوں تبدیل کیتا جا رہیا اے ، تاریخ ساز پریزن پیکیج فرسودہ جیل نظام وچ پیش خیمہ ثابت ہووے گا۔وزیر اعلی پنجاب عثمان بزدار نے جاری بیان وچ آکھیا کہ قیدیاں تے جیل عملے لئی5 ارب 50 کروڑ روپے دے تاریخی پیکیج دی مثال قیام پاکستان توں لے کے اج تیک نہیں ملدی، 1894 دے نظام نوں 127 سال بعد بدل رہے نیں، قیدیاں دے نال جیلاں وچ جہڑا سلوک ہوندا اے اوہ ناقابل بیان اے۔عثمان بزدارداآکھنا سی کہ کمسن قیدیاں دے استحصال دی ہرگزاجازت نہیں دتی جاوے گی۔
Load/Hide Comments





















