افغانستان نال تعاون جاری رکھاں گے،شاہ محمود قریشی
اسلام آباد(پنجابی میڈیا گروپ)وزیر خارجہ مخدوم شاہ محمود قریشی نے آکھیا اے کہ افغانستان دی عوام لئی پاکستان اپنی مددتے تعاون جاری رکھے گا،تفصیلات دے مطابق وزیرخارجہ نے آکھیا اے کہ افغان عوام نوں اقوام متحدہ ولوں انسانی ہمدردی دی بنیاد اتے سامان دی فراہمی و ترسیل وچ راہداری دی فراہمی وچ پاکستان اپنی مددتے تعاون جاری رکھے گا،قابض قوت اپنے بہیمانہ جبرواستبداد دے ذریعے غیرقانونی طورتے بھارت دے زیرقبضہ جموں وکشمیر دے عوام دی استصواب رائے دے اپنے ناقابل تنسیخ حق دے حصول دی منصفانہ جدوجہدنوں دبان دی کوشش کررہی اے جہدی ضمانت اقوام متحدہ دی سلامتی کونسل نے اپنی متعدد قرارداداں دے ذریعے دتی اے۔ اوہناں نے مزیدآکھیاکہ اقوام متحدہ دا منشور ساڈے ایس اجتماعی عزم وارادے نوں اپنے اندر سموئے ہوئے اے کہ عالمی قانون تے پرامن بقائے باہمی دی بالادستی ہووے۔ شاہ محمود قریشی ہو راں نے مزیدآکھیا اے کہ اقوام متحدہ دے دن نوں مناندیاں ہویاں میں عالمی برادری اتے زور دینا واں کہ تنازعہ جموں وکشمیر اتے اقوام متحدہ دی سلامتی کونسل دی متعلقہ قرارداداں اتے عمل درآمد لئی کم کرے۔





















