ایس حکومت توں جان نہ چھُٹی تے ملک نوں ہور نقصان ہوئے گا: ،شہبازشریف

لہور( پنجابی میڈیا گروپ) پاکستان مسلم لیگ (ن) دے صدر تے قائد حزب اختلاف شہبازشریف نے سرکارنوں معاشی تباہی تے مہنگائی دے ذریعے قومی سلامتی خطرے وچ پان دامجرم قراردے دتا تے آکھیا اے کہ موجودہ سرکار کولوں نجات حاصل نہ کیتی تے ملک نوں ناقابل تلافی نقصان ہوسکدا اے۔اپنے بیان وچ شہباز شریف نے آکھیا کہ پاکستان دی معیشت، عوام تے موجودہ سرکار وچوں اک نوں چننا ہووے گا۔ ایس سرکاردا اک اک منٹ پاکستان نوں ارباں ڈالر دا نقصان دے رہیا اے۔ مہنگائی کنٹرول کرن دا اعلان کرکے اشیاء خوردونوش دی قیمتاں مزید ودھادتیاں نیں۔ ایہہ اے ایس سرکار دا احساس تے وعدہ؟پچھلے وزیراعلیٰ پنجاب نے مزیدآکھیا اے کہ اک واری فیئر میری گل سچ ثابت ہوئی کہ ایہہ سرکار عوام تے آئی ایم ایف دوواں نوں دھوکہ دے رہی اے۔ تے جھوٹھ بول رہی اے۔

اپنا تبصرہ گھلو