اپوزیشن دا احتجاج مہنگائی لئی نہیں بلکہ کُرسی لئی اے ،عثمان بزدار

لہور (پنجابی میڈیا گروپ) وزیراعلیٰ پنجاب سردار عثمان بزدار نے آکھیااے کہ اپوزیشن دا احتجاج بے معنی حیثیت رکھدا اے،موجودہ نازک حالات وچ انتشار پھیلان دی بجائے سنجیدہ سیاست کرنی چاہیدی اے۔اپنے اک بیان وچ وزیراعلیٰ نے آکھیا اے کہ اپوزیشن عناصر اپنے دور وچ وی عوام دے نا ل مخلص نہ سن۔ نہ ہن نیں تے نہ آئندہ ہون گے۔ وزیراعلیٰ پنجاب عثمان بزدار ہوراں نے مزیدآکھیا اے کہ نازک حالات وچ قوم نوں تقسیم کرن دی کوشش قابل مذمت اے۔اوہناں نے مزیدآکھیا اے کہ اینج دے عناصر صرف پوائنٹ سکورنگ لئی قومی مفادات نوں دائو اتے لگا رہے نیں۔ موجودہ حالات وچ منفی سیاست دی ذرا وی گنجائش نہیں۔

اپنا تبصرہ گھلو