کرونا وائرس، چین وچ پاکستانیاں دی ہر ممکن مدد کیتی جا رہی اے: ترجمان دفتر خارجہ

اسلام آباد: ترجمان دفتر خارجہ عائشہ فارو۱قی دا کہنا اے چین وچ کرونا وائرس د ے پیش نظر اوتھے موجود پاکستانی شہریاں دی ہر ممکن مدد کیتی جا رہیاں نیں۔

دفتر خارجہ اسلام آباد وچ ہفتہ وار پریس بریفنگ دے دوران عائشہ فاروقی آکھیا چینی حکومت نے کرونا وائرس بارے اقدامات کیتے نیں تے اسیں ایس مشکل گھڑی وچ چین دے نال کھڑے آں۔

ہن تک کسے ملک نے اپنے شہریاں دا چین توں انخلاء نہیں کیتا، حکومت پاکستان چین وچ اپنے شہریاں لئی بہترین کوششاں کر رہی اے تے اوہناں دی ہر ممکن مدد کیتی جا رہی اے، چین وچ سارے طلباء دی رجسٹریشن نوں یقینی بنا رہے آں، اوہناں دے مسئلیاں دے حوالے نال چینی حکام نال رابطہ وچ آں، یونیورسٹیاں دی انتظامیہ تے چینی حکام نال اوہناں دی خوراک دا مسئلہ چکیا گیا اے ، اسیں چینی حکام دا پاکستانی شہریاں نوں ہر ممکن مدد فراہم کرن تے شکریہ ادا کرنے آں۔

عائشہ فاروقی آکھیا کرونا وائرس دا مقابلہ کرن لئی سارے اقدامات کیتے جان گے، ایہدے لئی پاور ٹیکنیکل کمیٹی تشکیل دتی گئی اے جد کہ قومی ادارہ صحت نے ایس حوالے نال خصوصی ہدایت نامہ وی جاری کیتا اے۔