کالعدم تنظیم نال شام نوں فیر مذاکرات ہو سکدے نیں ،شیخ رشید

اسلام آباد(پنجابی میڈیا گروپ)شیخ رشید نے آکھیااے کہ پلیس نوں رینجرز دے ماتحت کر دتا، کالعدم تنظیم دے نال شام نوں مذاکرات ہو سکدے نیں ،دواں پاسے جاناں بوہت قیمتیاں نیں۔ حکومتی رٹ نوں ہر صورت قائم رکھیا جاوے گا۔ وفاقی وزیر داخلہ شیخ رشید نے اسلام آباد وچ پریس کانفرنس کردیاں ہویاں آکھیا اے کہ اج قومی سلامتی کمیٹی دا اہم اجلاس ہویا، اجلاس وچ مذاکرات دی رپورٹ پیش کیتی، پنجاب وچ پلیس نوں رینجرز دے ماتحت کر دتا اے، امن و امان نوں ہر صورت برقرار رکھیا جاوے گا۔ اسیں جہڑے دستخط کیتے سن ایہناں اتے قائم آں۔ اوہناں نے وعدہ کیتا سی جی ٹی روڈ نوں کھول دیاں گے۔وزیرداخلہ نے مزیدآکھیاکہ 4 پولیس اہلکارشہید جدکہ 80 زخمی ہوئے ہیں۔شیخ رشید داآکھنا سی کہ وزیراعظم عمران خان کل یا پرسوں قوم دے نال خطاب کرن گے۔

اپنا تبصرہ گھلو