بے نظیر انکم سپورٹ توں رقم حاصل کرن والے افسراں دے ناں ساہمنے آگئے

اسلام آباد: بے نظیر انکم سپورٹ پروگرام توں رقم حاصل کرن والے کجھ افسراں دے ناں ساہمنے آ گئے نیں۔ بی آئی ایس پی فنڈز توں آزاد کشمیر دے گریڈ 17توں 22دے 9افسراں نے رقم وصول کیتی جہناں وچ گریڈ 22دے ہائی کورٹ دے جسٹس میاں عارف حسین، محکمہ تعلیم دے گریڈ 19دے افسران محمد شیراز تے محمد سلیم شامل نیں۔

وظیفہ خوراں وچ محکمہ تعلیم دے گریڈ 18دے محمد افضل تے محکمہ پبلک ہیلتھ دے گریڈ 18دے قاضی کبیر احمد، محکمہ تعلیم دے گریڈ 17دے حکم داد، محکمہ ایڈیٹر جنرل دے گریڈ 17دے افسرمحمد مسکین، محکمہ ہائر ایجوکیشن دے گریڈ 17دے افسر محمد یوسف تے گریڈ 17دے ریاض احمد خان شامل نیں۔

ایہناں سارے افسراں دیاں بیویاں انکم سپورٹ پروگرام توں رقم وصول کر رہیاں سن۔ بی آئی ایس پی فنڈز کھان والیاں وچ انکم ٹیکس ڈیپارٹمنٹ دے گریڈ ون توں سولہ دے 93ملازمین نیں جہناں وچ گریڈ سولہ دے چار افسران وی شامل نیں۔

گریڈ سولہ دے افسراں وچ عبدالستار، غلام سرور، حاجی ظہیر علی تے جعفر حسین جد کہ گریڈ چودہ دے خدا بخش، بختیار علی تے عبدالحمید شامل نیں۔