ڈیرہ غازی خان وچ پی ڈی ایم نکام ہو گئی اے ‘ عثمان بزدار

لہور(پنجابی میڈیا گروپ) وزیراعلی عثمان بزدار نے ٰآکھیا اے کہ ڈیرہ غازی خان دے عوام نے وی پی ڈی ایم نوں رد کردتا۔ اپوزیشن نوں نازک موقع اتے منفی سیاست زیب نہیں دیندی۔ اپنے بیان وچ عثمان بزدار نے آکھیا اے کہ اتحاد ،بھائی چارے تے یکجہتی دے ویلے پی ڈی ایم دی قوم نوں تقسیم کرن دی کوشش ناقابل فہم اے۔ قوم دا قیمتی ویلا ضائع کرن والیاں نوں ملک دا احساس اے۔ نہ عام آدمی دا۔ اوہناں نے آکھیا کہ جتنی جماعتاں ایس اپوزیشن دے اتحاد وچ نیں۔ کاش اوہ جلسے وچ اتنے لوکائی وی جمع کرلیندیاں بند گلی وچ جلسہ ایہناں دی پتلی سیاسی حالت زار اتے مہر تصدیق ثبت کردا اے۔ وزیراعلیٰ پنجاب نے مزیدآکھیا اے کہ موجودہ حالات وچ اپوزیشن جماعتاں نوں ذمہ داری دا مظاہرہ کرنا ہووے گا۔

اپنا تبصرہ گھلو