ایل پی جی13روپے20پیسے ودھ گئی
اسلام آباد( پنجابی میڈیا گروپ)اوگرا نے ایل پی جی دی فی کلو قیمت وچ13روپے20پیسے ودھا دتے۔میڈیا دے مطابق اوگرا نے نومبر لئی ایل پی جی دی قیمت ودھ کر دتی تے ایس حوالے نال نوٹیفکیشن وی جاری کردتا گیا اے،جس دے تحت ایل پی جی دی قیمت13روپے20پیسے فی کلو گرام ودھ کر دتی گئی۔نوٹیفکیشن دے مطابق ایل پی جی دی اک کلوگرام دی نویں قیمت216روپے89پیسے مقرر کیتی گئی اے،ایل پی جی دا11.8کلو دا گھریلو سیلنڈر155روپے80پیسے مہنگا کیتا گیا اے، جس توں بعد گھریلو سلنڈر دی نویں قیمت2559روپے35پیسے ہوگئی،جد کہ اکتوبر وچ ایل پی جی دا گھریلو سلنڈر2403 روپے55پیسے دا سی۔ایل پی جی دی نویاں قیمتاں اُتے عمل یکم نومبر2021 لئی اے۔
Load/Hide Comments





















