نوجواناں نوں غیراخلاقی ثقافت توں بچان لئی اقدامات دی لوڑ اے،عمران خان

اسلام آباد(پنجابی میڈیا گروپ)وزیراعظم عمران خان نے آکھیا اے کہ سانوں نوجواناں نوں غیراخلاقی ثقافت توں بچان لئی اقدامات دی لوڑ اے ۔بدھ نوں وزیراعظم دی زیر صدارت رحمت العالمین ۖ اتھارٹی دا اجلاس ہویا جہدے وچ وزیراعظم عمران خان نے سیرت طیبہ ۖ دی تعلیمات دی روشنی وچ اسکول، کالج تے یونیورسٹی دی سطح اتے طلباء نوں تعلیم دین لئی نصاب وچ تبدیلیاں متعارف کران اتے زور دیندیاں ہویاں آکھیا اے کہ رحمت العالمین اتھارٹی دے قیام دا مقصد ساڈی نوجوان نسل وچ اخلاقی اقدار نوں بیدار کرنا اے جس نوں انٹرنیٹ دے ایس دور وچ ہر طرحاں دے غیر اخلاقی مواد تیک آن لائن رسائی حاصل اے۔ سانوں اپنے معاشرے وچ مثبت تبدیلیاں لے آن لئی 1400 سال پہلاں ساڈے نبی ۖدی مرتب کردہ شاندار روایات اتے عمل کرنا ہوو ے گا۔

اپنا تبصرہ گھلو