الیکشن کمیشن دا فعال ہوندیاں ای ملک بھر وچ نویں حلقہ بندیاں دا شیڈول جاری

اسلام آباد: الیکشن کمیشن نے فعال ہوندیاں ای ملک بھر وچ نویں حلقہ بندیاں دا شیڈول جاری کر دتا۔ ملک بھر وچ کنٹونمنٹس بورڈز دی حدود وچ حلقہ بندیاں کیتیاں جان گیاں۔

نویں مردم شماری تے سینسز ایریاز دی بنیاد تے کنٹونمنٹس حلقیاں دا تعین ہووے گا، 3فروری توں کنٹونمنٹس بورڈز وچ حلقہ بندیاں دا آغاز ہووے گا، 10توں 17فروری تک کنٹونمنٹس بورڈز دی ابتدائی حلقہ بندیاں کیتیاں جان گیاں، 27مارچ نوں ملک بھر وچ کنٹونمنٹس بورڈز دی نویں حلقہ بندیاں دا نوٹیفکیشن جاری ہووے گا، نویں حلقہ بندیاں دے بعد کنٹونمنٹ بورڈز دے الیکشن دا شیڈول جاری ہووے گا۔