اوگرا دی پٹرول دی فی لیٹر قیمت 6پیسے گھٹ کرن دی سفارش
اسلام آباد: اوگرا نے پٹرولیم مصنوعات دیاں قیمتاں وچ ردوبدل دی سمری وزارت توانائی نوں گھل دتی اے۔ اوگرا (آئل اینڈ گیس ریگولیٹری اتھارٹی) نے پٹرولیم مصنوعات دیاں قیمتاں وچ ردوبدل دی سمری تیار کر لئی اے، جہدے مطابق یکم فروری توں پٹرول دی قیمت وچ 6پیسے کمی دی سفارش کیتی گئی اے۔
اوگرا ولوں مٹی دے تیل دی قیمت وچ 66پیسے فی لیٹر کمی دی سفارش کیتی گئی اے جد کہ ہائی سپیڈ ڈیزل دی قیمت وچ 2روپے 47پیسے تے لائٹ ڈیزل دی قیمت وچ اک روپے 10پیسے فی لیٹر وادھے دی تجویز دتی گئی اے۔
سمری وزارت پٹرولیم نوں گھل دتی گئی اے جد کہ پٹرولیم مصنوعات دیاں قیمتاں دی حتمی منظوری حکومت دیوے گی جہدے بعد نویں قیمتاں دا اطلاق یکم فروری توں ہووے گا۔
