عوام نے ویکھ لیا وزیر اعظم صرف گلاں کر سکدا اے ،احسن اقبال

نارووال(پنجابی میڈیا گروپ)مسلم لیگ (ن) دے مرکزی جنرل سیکرٹری احسن اقبال نے آکھیا اے کہ عوام نے ویکھ لیا سرکار صرف گلاں کر سکدی اے کم کرنا ایہدے وس وچ نہیں ، یونین کونسل مہارشریف دے پچھلے ناظم منور عالم دی ساتھیاں سنے مسلم لیگ (ن) وچ شمولیت دے موقع اتے تقریب دے نال خطاب کردیاں ہویاں احسن اقبال نے مزدآکھیا کہ رانا منور عالم کدرے ہور نہیں بلکہ اپنے ای گھر مسلم لیگ (ن) وچ واپس آئے نیں ایہناں جی آیاں نوں آکھنا واں۔2018 دے الیکشن وچ عوام نے ثابت کیتا کہ عوام ایس نوں ووٹ پاندی اے جہڑا ایہناں دی خدمت کردا اے۔ تن سالاں وچ عوام نے ویکھ لیا سرکار صرف گلاں کر سکدی اے کم کرنا ایہدے وس وچ نہیں ،ساڈی سرکار جتھے ترقیاتی منصوبے چھڈ کے گئی سی ایہہ سرکار اوتھے آ کے اک اٹ وی نہ لگا سکی۔

اپنا تبصرہ گھلو