کرونا وائرس دا خطرہ: چین توں کراچی اپڑن والا طالب علم ارسلان ہسپتال منتقل
کراچی: کرونا وائرس دے خطرے دے پیش نظر چین دے شہر ووہان توں کراچی دے علاقے لیاری اپڑن والے طالب علم ارسلان نوں آغاز خان ہسپتال دے آئسولیشن وارڈ منتقل کر دتا گیا۔
محکمہ صحت سندھ دے حکام دے مطابق ارسلان دی نک توں رطوبت دا سیمپل لے کے قومی ادارہ برائے صحت اسلام آباد گھل دتا گیا اے ، جے اوتھوں سیمپل نیگیٹو آیا تے ارسلان نوں ہسپتال توں جلدی ڈسچارج کیتا جا سکدا اے۔
ماہرین دے مطابق کرونا وائرس توں متاثرہ کئی بندیاں وچ علامتاں ظاہر نہیں ہوندی پر اوہ دوجیاں نوں انفیکشن وچ مبتلا کرن دا سبب بن سکدے نیں۔
جاپانی حکومت ولوں قومی ادارہ برائے صحت اسلام آباد نوں کرونا وائرس دی تشخیص لئی کٹس فراہم کر دتی گئیاں نیں جہدے بعد ہن قومی ادارہ برائے صحت 1000سیمپلز نوں ٹیسٹ کر سکدا اے۔
