پارلیمان ہور کجھ کرے نہ کرے صرف سود دا ای خاتمہ کر دیوے: علی محمد خان

اسلام آباد: وزیر مملکت برائے پارلیمانی امور علی محمد خان نے زور دتا اے موجودہ پارلیمان کجھ کرے نہ کرے صرف سود دا ای خاتمہ کر دیوے۔

قومی اسمبلی وچ وقفہ سوالات دے دوران جماعت اسلامی دے رکن مولانا عبدالاکبر چترالی آکھیا دسیا جاوے ریاست مدینہ وچ سود کدوں ختم ہووے گا، سود نوں تحفظ دین والے 29قوانین وچ ترمیم لیایا آں پر کجھ جماعتاں نوں مسئلہ اے۔ وزیر مملکت علی محمد خان آکھیا اسیں کدوں کہہ دتا اسیں ریاست مدینہ بنا دتی؟

اسیں تے ریاست مدینہ بنان سگوں اوہناں دے قدماں تے چلن دی کوشش کر رہے آں، عمران خان پہلا وزیراعظم اے جہڑا اوہگل کردا اے جہڑی محراب و منبر تے ہوندی سی، ایہ پارلیمان تے کجھ کرے یاں نہ کرے صرف سود دا ای خاتمہ کر دیوے، ایہدے لئی قوانین تبدیل کرنے ہون گے۔

پی پی دی رکن نفیسہ شاہ نے پچھیا حکومت نے بے نظیر انکم سپورٹ پروگرام دا ناں کیوں تبدیل کیتا؟ علی محمد خان نے دسیا بے نظیر انکم سپورٹ پروگرام نہ ختم کیتا جا رہیا اے تے نہ ای اوہدا ناں تبدیل کیتا گیا اے ، سگوں نویں پروگرام نویں ناں توں شروع کیتے گئے نیں، احساس پروگرام توں بے نظیر انکم سپورٹ پروگرام ختم نہیں ہووے گا، اسیں پروگرام دا فنڈ 100ارب روپے توں ودھا کے 190ارب روپے توں ودھ کر دتا اے۔