وزیراعظم عمران خان نے تیل دی قیمت ہور ودھن دا خدشہ ظاہر کر دتا

اسلام آباد( پنجابی میڈیا گروپ)وزیراعظم عمران خان نے آکھیاکہ کورونا پاروں مہنگائی صرف سردیاں تک اے،تیل دی قیمت ہور ودھن داخدشہ اے۔ایہ گلاںوزیراعظم عمران خان نے للہہ جہلم روڈ کیرج وے دے سنگ بنیاد رکھن دی تقریب نال خطاب کردیاں ہویاں کتیاں۔وزیراعظم نے آکھیا کہ آن والے الیکشن بارے سوچن نال ملک ترقی نہیں کردا،چین دی ترقی دا راز طویل المدتی منصوبہ بندی اے،دنیا بھر وچ ٹیکنالوجی دااستعمال ہو رہیا اے،پتہ نہیں اپوزیشن ٹیکنالوجی توں کیوں خوفزدہ اے،حیران واں کہ اپوزیشن ٹیکنالوجی دااستعمال کیوں نہیں کردی،اپوزیشن وونٹنگ لئی جدید ٹیکنالوجی دے استعمال دی کیوں مخالف اے۔موجودہ حکومت نے برے حالات وچ ملک نوں سنبھالیا۔اوہناں نے آکھیا کہ ودھ دی ہوئی آبادی دے پیش نظر زرعی پیداوار ودھاناہوئے گی،ملک اگے اودھوںودھدا اے جدوں آن والیاں نسلاں داسوچیا جاندا اے،موجودہ حکومت نے سب توں ودھ قرض واپس کیتا،آبادی ودھ رہی اے ملک نوں پانی دی ضرورت اے۔50سال بعد ملک وچ تین وڈے ڈیم بن رہے نیں،اگلے دس سال وچ ہور دس ڈیم بناواںگے۔ساہنوں ملک وچ لانگ ٹرم پالیسی دی ضرورت اے۔موجودہ حکومت نے سب توں ودھ قرض واپس کیتا۔عمران خان دا کہنا سی کہ ورلڈ بینک دے مطابق پاکستان وچ غربت گھٹ ہوئی اے،پوری دُنیا وچ مہنگائی دی لہر اے، لندن بیٹھا شخص دُکھ دا اظہار کردا اے کہ پاکستان دے حالات برے نیں،انشا اللہ اسیں لوکاں نوں مہنگائی توں باہر کڈاں گے،کورونا پاروںمہنگائی صرف سردیاں تک اے،تیل سنے باہر توں جیہڑیاشیواں لیندے نیں اوہ سب مہنگیاں ہو گئیاں نیں، غربت اوتھے ہندی اے جیتھے پیسے چوری کر کے باہر جاندا اے،آن والے دناں وچ بہت وڈھا پیکیج لے کے آ رہے واں،حکومت نے مشکل حالات وچ مشکل فیصلے کیتے۔میٹرو اُتے ارباں روپے لان نال قوم ترقی نہیں کردی۔

اپنا تبصرہ گھلو