ہمیشہ آکھیا افغانستان دی جنگ دا کوئی فوجی حل نہیں ٍ،شاہ محمود قریشی

اسلام آباد (پنجابی میڈیا گروپ)وزیر خارہ شاہ محمود قریشی نے آکھیااے کہ ہمیشہ آکھیا افغانستان دی جنگ دا کوئی فوجی حل نہیں ٍ، اک پرامن تے خوشحال افغانستان پاکستان دے اپنے مفاد وچ اے،ایس ویلے سبھ توں وڈا وقع افغانستان وچ پائیدار امن تے استحکام لئی عالمی برداری دا اتحاد اے۔ ساڈیخطے تے عالمی سلامتی لئی سبھ توں وڈا خطرہ ہندوتوا دے نظریے دی پیداوار اے۔ پا کستان کشمیریاں دی اخلاقی ،سیاسی تے سفارتی حمایت جاری رکھے گا۔ پاکستان اسلاموفوبیا دی ودھدی ہوئی لہر دا مقابلہ کرن تے ایہدے خلاف سبھ توں زیادہ آواز چکن والا ملک اے۔ تفصیلات دے مطابق وزیر خارجہ مخدوم شاہ محمود قریشی نے نیشنل ڈیفنس یونیورسٹی (این ڈی یو) وچ زیر تربیت افسران دے نال خطاب کرکیتا خطاب دا موضوع ”پاکستان دی خارجہ پالیسی تے درپیش چیلنجز سی۔ وزیر خارجہ نے مزیدآکھیاکہ نیشنل ڈیفنس یونیورسٹی وچ زیر تربیت افسران دے نال گل بات کرنا ہمیشہ خوشی دا باعث رہیا اے۔مخدوم شاہ محمود قریشی نے آکھیاکہ پاکستان جنوبی ایشیا،وسطی ایشیا، مشرق وسطیٰ تے چین دے سنگم اتے واقع اے،مخدوم شاہ محمود قریشی نے مزیدآکھیاکہ بھارت دی اشتعال انگیزیاں دے باوجود، پاکستان نے نومبر 2019 وچ کرتار پور راہداری نوں کھول دتا جہدے وچ بھارت سنے پوری دنیا وچ مقیم سکھاں نوں ایہناں دے مقدس ترین مقامات تیک رسائی دتی گئی اے۔ اوہناں نے اپنے خطاب وچ آکھیا کہ عمرا ن خان دا خطے تے پاک بھارت تعلقات لئی وژن پرامن بقائے باہمی، بین المذاہب ہم آہنگی تے تنازعاتت دے پرامن حل اتے مشتمل اے۔

اپنا تبصرہ گھلو