شیخوپورہ وچ گڈی تے فائرنگ، 5بندے جاں بحق

شیخوپورہ: شاہ کوٹ روڈ تے شور کوٹ دے نیڑے نامعلوم بندیاں دی گڈی تے فائرنگ دے نتیجے وچ 5بندے جاں بحق ہو گئے۔

پلس دے مطابق فائرنگ دے نتیجے وچ جاں بحق ہون والے 5بندے گڈی وچ سوار سن تے صفدر آباد توں فیصل آباد پیشی تے جا رہے سن۔

پلس ذرائع دادسنا اے قتل ہون والے 5بندیاں دا تعلق نواحی پنڈ آواگت نال اے۔ ذرائع دے مطابق فائرنگ دا واقعہ دیرینہ دشمنی دا شاخسانہ لگدا اے، ایس توں پہلاں وی 12بندیاں نوں قتل کیتا جا چکیا اے۔

وزیراعلیٰ پنجاب عثمان بزدار نے شیخوپورہ وچ فائرنگ دے واقعے دا نوٹس لیندیاں رپورٹ طلب کر لئی تے ملزمان دی فوری گرفتاری دا حکم دیندیاں مقتولین نوں انصاف فراہم کرن دا حکم دتا اے۔