ملک دا مستقبل شفاف جمہوریت دے نال جڑیااے،وزیراعظم عمران خان

اسلام آباد(پنجابی میڈیا گروپ)وزیراعظم نے آکھیااے کہ ملک دا مستقبل شفاف جمہوریت دے نال جڑیااے، اسمندر پارپاکستانیاںنوں ووٹ دا حق ملنا چاہیدا اے۔ ایس قانون سازی وچ ذاتی مقاصد نہیں،تفصیلات دے مطابق وزیراعظم عمران خان دی زیر صدارت تحریک انصاف دی پارلیمانی پارٹی دا اجلاس ہویا،جہدے وچ اہم قنون سازی اتے گل بات جدکہ اپوزیشن دے ممکنہ احتجاج دے نال نمٹن اتے وی مشاورت کیتی گئی۔وزیراعظم نے پارلیمنٹ دے مشترکہ اجلاس وچ اج پیش ہون والے بلز دے حوالے دے نال اعتماد وچ لیا۔ایس موقع اتے عمران خا ن داآکھنا سی کہ ملک وچ صاف وشفاف چنا دی بنیاد رکھن وچ تہاڈاکردار ہووے گا۔سمندر پار پاکستانی ایس ملک دی معیشت وچ ریڑھ دی وڈی نیں۔وزیراعظم عمران خان ہوراں نے آکھیا اے کہ ملک دا مستقبل شفاف جمہوریت دے نال جڑیااے،اسمندر پارپاکستانیاںنوں ووٹ دا حق ملنا چاہیدا اے۔ایس قنون سازی وچ ذاتی مقاصد نہیں،ارکان پارلیمنٹ دے مسائل توں آگاہ واں،انشا اللہ جلد سبھ دی شکایتاں دور ہون گئیاں،عمران خا ن نے آکھیا اے کہ 1970ء دے بعد سارے چناواں اتے اعتراض کیتے گئے۔اینج دا نظام بناواں گے کہ ساریاں جماعتاں امیدوار نتائج نوں تسلیم کرن۔

اپنا تبصرہ گھلو