الیکٹرانک ووٹنگ مشین نال سارے مسئلے ختم ہوجان گے:وزیراعظم عمران خان

اسلام آباد( پنجابی میڈیا گروپ)وزیراعظم عمران خان نے آکھیا کہ الیکٹرانک ووٹنگ مشین پوری دنیا وچ کم کررہی اے،ای وی ایم سے سارے مسئلے ختم ہوجان گے۔سمندر پار پاکستانیاں دی سہولت لئی ڈیجیٹل پورٹل دی تقریب نال خطاب کردیاں ہویاں وزیراعظم نے آکھیا کہ کل بہت خوشی ہوئی،اسیں اوورسیزپاکستانیاں نوں ووٹ داحق دتا،اوورسیز پاکستانی ساڈا سب توں وڈھا اثاثہ اے،بدقسمتی نال اوورسیزپاکستانی اںدے مسائل حل نہیں کیتے گئے،اوورسیزپاکستانیاں دے پلاٹاں اُتے قبضے ہو جاندے نیں۔اوورسیز پاکستانیاں لئی پاکستان وچ کم کرنا مشکل ہندا اے۔اوہناں نے آکھیا کہ عرب ملکاں وچ پاکستانیاں دیآسانی لئی وزیرخارجہ نے پورٹل بنایا اے۔ای وی ایم مشین پوری دنیا وچ کم کررہی اے،پرانے سسٹم نال فائدہ چُکن والے نہیں چاہندے کہ تبدیلی آئے،اوورسیز پاکستانیاں نوں پاکستان دی سیاست تے جمہوریت وچ شامل کرلیا اے،اوورسیز پاکستانیاں نوں جمہوری نظام وچ شامل کرن اُتے خوشی اے۔ووٹ داحق ملن توں بعد ہر حکومت اوورسیز پاکستانیاں دی قدر کرے گی۔اوہناں دا کہنا سی کہ90لکھ اوورسیز پاکستانیاں نوں ووٹ دا حق دتا اے،جد وی مشکل وقت آیا اوورسیز پاکستانیاں نے بھرپور مدد کیتی،ملک وچ بدقسمتی نال اوورسیز پاکستانیاں دے پلاٹاں اُتے قبضہ ہو جاندا اے،اوورسیز پاکستانیاں لئی ایتھے کم کرنا بوہت مشکل ہندا اے،اوورسیز پاکستانی جدوں وی بزنس کرن دی کوشش کردے نیںاوہناں نوںنقصان ہوندا اے،اوہ ساڈا سب توں وڈھا اثاثہ نیں۔ جدوں وی پاکستان نوں مشکلاں دا ساہمنا ہندا اے،باہر ملکاں وچ رہن والے پاکستانی ساتھ دیندے نیں،

اپنا تبصرہ گھلو