اوگرا نے ایل پی جی دی قیمت وچ 10روپے فی کلو کمی کر دتی
اسلام آباد: ایل پی جی 10روپے فی کلو سستی ہو کے 142روپے فی کلو وچ فروخت ہووے گی۔ اوگرا نے ایل پی جی دی قیمت 10روپے فی کلو کمی کر دتی اے تے ایہدا باضابطہ نوٹیفکیشن وی جاری کر دتا گیا اے جہدے تحت یکم فروری توں ایل پی جی 142روپے فی کلو وچ دستیاب ہووے گی۔
نوٹیفکیشن دے مطابق ایل پی جی دا گھریلو سلنڈر 111روپے سستا کیتا گیا اے جہدے بعد ہن گھریلو سلنڈر دی قیمت 1680روپے مقرر کیتی گئی اے جد کہ کمرشل سلنڈر وچ وی 454روپے دی کمی کیتی گئی اے تے ہن کمرشل سلنڈر دی نویں قیمت 6ہزار 437روپے ہووے گی۔
