ثاقب نثار دی آواز دی تصدیق ہوچکی اے : مریم اورنگزیب
لہور(پنجابی میڈی گروپ)مریم اورنگزیب داآکھنا اے کہ امریکی فرانز ک کمپنی نے تصدیق کیتی اے کہ آواز ثاقب نثار ای دی اے۔ اک دن حق تے سچ ساہمنے آ کے ای رہندا اے۔ لیگی رہنما مریم اورنگزیب نے سماجی رابطے دی ویب سائٹ اتے ٹویٹ کردیاں ہویاں آکھیا اے کہ نواز شریف، مریم دی سزا عدل دے ہر پیمانے دے مطابق ختم ہوچکی اے، امریکی کمپنی نے آواز دے حقیقی تے درست ہون دا سائنسی تجزیہ کیتا اے ، اعمال نامہ حاضر اے جناب دا، گناہ اتے عذر پیش کرنا بدترین گناہاں وچوں اے۔ مریم اورنگزیب ہوراں نے مزیدآکھیا اے کہ ثاقب نثار دی آواز دی تصدیق ہوچکی، حق تے سچ ساہمنے آکر رہندا اے ۔
