پاکستان وچ کرونا وائرس دا کوئی کیس نہیں، 7مشتبہ بندے کلیئر: ڈاکٹر ظفر مرزا

اسلام آباد: ڈاکٹر ظفر مرزا آکھیا اے پاکستان وچ کرونا وائرس دا کوئی کیس نہیں، 7مشتبہ بندے کلیئر، چین توں آن والیاں وچ وی کوئی مشتبہ بندہ شامل نہیں۔

معاون خصوصی برائے صحت ڈاکٹر ظفر مرزا نے پریس کانفرنس کردیاں آکھیا کرونا وائرس دی تشخیص لئی کٹس مل گئیاں نیں، کٹس وکھو وکھ ملکاں توں منگوائی گئیاں نیں، کٹس نال 7بندیاں دا معائنہ کیتا گیا، سارے بندیاں وچ وائرس تشخیص نہیں ہویا، چین توں آن والیاں دا آپ استقبال کیتا، چین توں آن والیاں وچ کوئی مشتبہ مسافر نہیں ملیا۔

ایس موقع تے چینی سفیر دا کہنا سی کرونا وائرس نال 371بندے ہلاک ہو چکے نیں، چیلنج نال نبڑن دی کوشش کر رہے آں، ملک وچ ساری تقریبات نوں منسوخ کر دتا اے، دنیا نوں اپنے اقدامات توں آگاہ کر رہے آں، ڈبلیو ایچ او نے ساڈے اقدامات نوں سراہیا اے، پُرامید آں ایس وباء نبڑ لواں گے، پاکستان دی حمایت نوں سراہنے آں، وزیراعظم عمران خان نے چینی صدر نوں خط وی لکھیا۔

چینی سفیر یاؤ جنگ دا کہنا سی چین وچ پاکستانیاں دی کافی تعداد اے، مشکلات وقتی نیں، سارے پاکستانیاں دے نال رابطے وچ آں، چین وچ پاکستانی شہریاں نوں اپنا ہم وطن سمجھنے آں، اج 12چینی باشندے وی پاکستان آئے نیں، سفر لئی دو ہفتے معائنے وچ رکھیا جاندا اے، پاکستان آن والے 12چینی باشندیاں وچ 4بزنس مین نیں، سخت مانیٹرنگ دے بعد ایہناں بندیاں نوں پاکستان آن دی اجازت دتی گئی، چین نے پاکستانیاں دی واپسی لئی اقدامات کیتے۔