مہنگائی داجن گلی گلی شور پا رہیا اے کہ وزیراعظم چور اے،شہبازشریف

لہور( پنجابی میڈیا گروپ) قومی اسمبلی وچ قائد حزب اختلاف شہبازشریف نے آکھیااے کہ مہنگائی دا بے قابو جن گلی گلی اعلان کررہیا اے کہ وزیراعظم چور اے۔نہیں ،ظالم حکمراناں دی بے حسی غریباں دے زخماں اتے نمک اے۔ اپنے اک بیان وچ مسلم لیگ (ن) دے صدرتے پارلیمنٹ وچ قائد حزب اختلاف شہبازشریف داآکھنا سی کہ قطاراں وچ کھڑے عوام اج پرانے پاکستان نوں حسرت دے نال یاد کررہے نیں۔پورے ملک نوں تن سال توں نااہلی، نالائقی، کرپشن تے مہنگائی دی سموگ نے اپنی لپیٹ وچ لیا ہویا اے۔ پٹرول ،آٹے، چینی تے اشیائے ضروریہ لئی قوم نوں قطاراں وچ دھکے کھاندیاں ویکھ کے دل خون دے آنسو رو رہیا اے۔ راشن کارڈ، قطاراں، مہنگائی، یوٹرن، جھوٹھ نئے پاکستان دی شناختی علامات نیں۔قائد حزب اختلاف نے آکھیا کہ عمران نیازی دی دیدہ دلیرہ اتے حیرت اے ، ہن کنٹینر والی گلاں کیوں بھل گئے نیں۔

اپنا تبصرہ گھلو