شیخ رشید دی وزیراعلیٰ سندھ نال ملاقات، کراچی سرکلر ریلوے تے گل بات

کراچی: وزیر ریلوے شیخ رشید نے وزیراعلیٰ سندھ مراد علی شاہ نال ملاقات کیتی جہدے وچ ایم ایل ون تے کراچی سرکلر ریلوے دے حوالے نال گل بات کیتی گئی۔ دوواں رہنماواں وچکار سیاسی صورتحال تے وی تبادلہ خیال کیتا گیا۔

ایس موقع تے وزیراعلیٰ سندھ مراد علی شاہ دا کہنا سی یو ٹی سی سندھ نوں منتقل کیتی جاوے، ایہدے 60فیصد شیئرز وفاق تے 40فیصد سندھ دے کول اے، تجاوزارت 40کلومیٹر سی، 38کلومیٹر خالی کرا لیا گیا، متاثرین نوں متبادل تھاں فراہم کرنی اے، سرکلر ریلوے لئی سندھ حکومت ولوں کوئی رکاوٹ نہیں، وفاقی حکومت نوں کے سی آر لئی موثر اقدامات کرنے ہون گے۔

مرتضیٰ وہاب دا کہنا سی صوبائی حکومت ولوں سرکلر ریلوے تے کوئی رکاوٹ نہیں، ریلوے تے سندھ حکومت رل کے متاثرین نوں آباد کرن گے، شیخ رشید نال سرکلر ریلوے دی بحالی تے گل بات ہوئی اے۔