کوئٹہ: پلس لائن کالونی وچ گیس لیکج دھماکا، 2بچے جاں بحق، 6بندے زخمی
کوئٹہ: کوئٹہ دے علاقے پلس لائن کالونی وچ گیس لیکج دھماکے وچ 2بچے جاں بحق تے 6بندے زخمی ہو گئے۔
گلستان روڈ تے واقع پلس لائن وچ کانسٹیبل دے گھر وچ گیس لیکج دی وجہ توں زور دار دھماکہ ہویا جہدی آواز دور تک سنی گئی۔ دھماکے دے بعد گھر مکمل طور تے منہدم ہو گیا۔
دھماکے وچ دو کمسن بچے جہناں دی عمراں 6مہینے توں ڈھائی ورھے نیں زندگی دی بازی ہار گئے جد کہ دو عورتاں تے چار مرداں سنے 6بندے زخمی ہوئے جہناں نوں سول ہسپتال منتقل کر دتا گیا۔
ابتدائی طبی امداد دے بعد زخمیاں نوں بی ایم سی برن یونٹ منتقل کر دتا جاوے گا۔
