ن لیگ نوں وی سنٹرل پنجاب توں باہر کڈنا چاہیدا اے،فواد چوہدری

اسلام آباد(پنجابی میڈیا گروپ )وفاقی وزیر اطلاعات ونشریات چوہدری فواد حسین نے آکھیا اے کہ پشاور وچ پیپلزپارٹی دا جلسہ خوش آئند اے۔پاکستان نوں وفاقی جماعتاں دی لوڑ اے۔ وفاقی جماعتاں دے علاوہ ن لیگ نوں وی سنٹرل پنجاب توں بار کڈنا چاہیدا اے ،اپنے ا ک ٹویٹ وچ وفاقی وزیر اطلاعات نے آکھیا اے کہ ایہناں جماعتاں دی قیادت بدقسمتی دے نال بوہت سطحی اے تے ایہناں دے کول کوئی ایجنڈا وی نہیں۔ علاقائی تے شدت پسند سیاست اوھوں ای ختم ہووے گی جدوں قومی سیاست ہووے گی۔ ایہہ گل وی ذہن وچ رکھو کامیابی صرف تنقید دے نال نہیں مل سکدی کوئی متبادل ایجنڈا وی ہوندا اے۔ تے لوکائی متوجہ ہوندے نیں۔