شیخوپورہ: تیز رفتار کار الٹ گئی، اک ای خاندان دے 5بندے جاں بحق
شیخوپورہ: شیخوپورہ وچ موٹروے تے خانقاہ ڈوگراں دے نیڑے تیز رفتار کار الٹ گئی جہدے وچ سوار اک ای خاندان دے خاتون سنے 5بندے جاں بحق جد کہ 3بچے شدید زخمی ہو گئے۔
چنیوٹ دا رہائشی سجاد نامی نوجوان عمرہ دی سعادت حاصل کرکے لہور ایئر پورٹ اپڑیا سی جہنوں لے کے اوہدا بھرا عبدالجبار تے فیملی واپس چنیوٹ جا رہے سن کہ موٹروے تے شیخوپورہ دے علاقہ خانقاہ ڈوگراں دے نیڑے کار دا ٹائر پھٹ گیا تے تیز رفتار کار الٹ گئی جہدے وچ سوار اک ای خاندان دے خاتون سنے پنج بندے جاں بحق ہو گئے۔
