اپوزیشن لیڈر قومی اسمبلی شہبازشریف نے منی بجٹ رد کردتا

اسلام آباد(پنجابی میڈیا گروپ)پاکستان مسلم لیگ(ن)دے صدر تے قائد حزب اختلاف شہبازشریف نے منی بجٹ رد کردیاں ہویاں آکھیااے کہ منی بجٹ لے آن دے اعلان توں ثابت ہوگیا کہ قومی بجٹ دے موقع اتے سرکارنے قوم تے کاروباری برادری دے نال جھوٹھ بولیا۔منی بجٹ لے آن والے آکھدے سن کہ کوئی منی بجٹ نہیں آوے گا۔عمران نیازی نے اک ہور یوٹرن لیا اے،ایہہ منی بجٹ نہیں،معاشی تباہی،مہنگائی دا سیاہ طوفان اے،اپنے بیان وچ پچھلے وزیراعلیٰ پنجاب شہبازشریف نے آکھیا کہ نویں قنون سازی دے نال سرکار پاکستان وچ آئی ایم ایف دی ٹیکس کلکٹر بن جاوے گی۔وفاقی سرکاردا کردار محض آئی ایم ایف دے ٹیکس جمع کرن تیک محدود ہو کے رہ جاوے گا۔اوہناں نے ہورآکھیا اے کہ مہنگائی دے نال پہلاں ای عوام دا جینا حرام ہو چکیااے۔موجودہ سرسرکار ہرمہینے مہنگائی،نااہلی دے اپنے ای ریکارڈ توڑ رہی اے۔