پاکستان تے ملائیشیا وچکار قیدیاں دے تبادلے دا معاہدے طے ہو گیا: شاہ محمود

پتراجایا: وزیر خارجہ شاہ محمود قریشی آکھیا اے وزیراعظم عمران خان تے ملائیشین ہم منصب مہاتیر محمد وچکار باہمی تعلقات ودھان تے معاشی تعلقات نوں سٹرٹیجک سطح تے لے جان دے حوالے نال گل ہوئی۔

اک انٹرویو وچ وزیر خارجہ شاہ محموددا کہنا سی پاکستان تے ملائیشیا تجارت، سرمایہ کاری، انجینئرنگ ، دفاع سنے دوجے شعبیاں وچ تعاون ودھاواں گے۔

وزیر خارجہ دا کہنا سی دوواں ملکاں وچکار قیدیاں دے تبادلے، پاکستانی لیبر فورس دی سوشل سکیورٹی دے معاہدیاں تے دستخط ہوئے نیں۔

اوہناں نے دسیا سال 2018-19دے دوران ملائیشیا توں آن والے زرمبادلہ وچ 35فیصد وادھا ہویا، 1.55ارب ڈالر پاکستان گھلے گئے۔

وزیر خارجہ دا ہور کہنا سی وزیراعظم عمران خان نوں کوالالمپور کانفرنس وچ رلت نہ کرن تے افسوس اے، پاکستان دے اک دوست ملک نوں مسلم امہ دی تقسیم دا تاثر دتا گیا سی جو حقائق دے خلاف سی۔