ایم کیو ایم دے سارے مطالبات منے جا رہے نیں: گورنر سندھ

کراچی: گورنر سندھ عمران اسماعیل دا کہنا اے ایم کیو ایم دے سارے مطالبات منے جا رہے نیں۔

گورنر سندھ عمران اسماعیل نے ایم کیو ایم وفد نال ملاقات کیتی۔ بعدوں میڈیا نال گل کردیاں گورنر سندھ نے آکھیا ایم کیو ایم نال کئی ملاقاتاں ہوئیاں، اوہناں دے سارے مطالبات منے جا رہے نیں، پر ایم کیو ایم نال طے شدہ ایجنڈے تے گل ہوئی اے تے وزارتاں دے لین دین تے گل نہیں ہوئی۔

گورنر سندھ عمران اسماعیل آکھیا وزیراعظم دی اپنی خواہش سی سندھ دے سارے ضلعیاں وچ ترقیاتی پیکیج دیئے، میر کراچی نوں پنج ارب روپے تے میئر حیدر آباد نوں اک ارب روپے فراہم کیتے جان گے۔

گورنر سندھ آکھیا آئی جی سندھ دی تعیناتی تے میں صرف رابطے دا ذریعہ سی پر آئی جی دے معاملے تے جے گل بات کر لئی جاوے تے معاملہ آسانی نال حل ہو جاوے گا۔

گورنر سندھ نے ہور آکھیا سوشل ڈویلپمنٹ لئی وفاقی حکومت نے جنے کم کیتے نیں اوہ کسے حکومت نے نہیں کیتے۔