پاکستان نوں فلاحی ریاست بنانا نصب العین اے:عمران خان

پشور(پنجابی میڈیا گروپ)وزیراعظم نے آکھیا ا ے کہ پاکستان نوں فلاحی ریاست بنانا نصب العین اے، کے پی کے وچ دوجی واری کامیابی اتے لوکائی بوہت حیران سن۔ غربت گٹھ ہون تے صوبے وچ دو تہائی اکثریت ملی۔ خیبرپختونخوا وچ ہر خاندان نوں ہیلتھ انشورنس دیاں گے،تفصیلات دے مطابق احساس راشن رعایت پروگرام دی تقریب دے نال وزیراعظم عمران خان نے خطاب کردیاں ہویاں آکھیا اے کہ خیبرپختونخوا وچ ساڈی پہلی سرکار اتحادیاں دے نال مل کے بنی۔ ات گردی دے نال خیبرپختونخوا بوہت زیادہ متاثر سی۔ ساڈے دور وچ خیبرپختونخوا وچ غربت گٹھ ہوئی۔ کے پی کے وچ دوجی واری کامیابی اتے لوکائی بوہت حیران سن۔وزیراعظم نے مزیدآکھیا اے کہ کرونا دے معاملے اتے اسیں دنیا توں ہٹ کے فیصلے کیتے۔ کرونادے دوران لاک ڈائون نہ کرن دا فیصلہ کیتا۔ تنقید کیتی گئی اے کہ لاک ڈائون نہ کرن اتے عمران خان دے خلاف مقدمہ درج کیتا جاوے۔ لاک ڈائون دی وجہ توں بھاری معیشت ہنی تیک ریکور نہیں کر پائی۔ عمران نے اپنے خطاب وچ آکھیا کہ پاکستان دنیا وچ سستا ترین ملک اے دنیا دے امیر ترین ملکاں وچ وی ہیلتھ کوریج نہیں اے۔ صحت کارڈ غریب تے سفیدپوش دوواں لئی اے۔