سرکار نے شہباز شریف دے خلاف سارےکیس جھوٹے بنائے: مریم اورنگزیب

اسلام آباد(پنجابی میڈیا گروپ) ترجمان (ن) لیگ مریم اورنگزیب نے آکھیا اے کہ سال 2018 وچ نالائقاں دی سرکاربنی ،جس نے شہباز شریف دے خلاف ہر قسم دا جھوٹھا کیس بنایا، عوام نوں ریلیف دین تے شہباز شریف نوںنشانہ بنایا گیا۔اسلام آباد ودچ پریس کانفرنس دے دوران مریم اورنگزیب داآکھنا سی کہ نوازشریف تے مریم نواز نوں جیل وچ پا کے آر ٹی ایس بٹھایا گیا۔ سرکارنے کوشش کیتی شہبازشریف نوں وی جیل وچ پایا جاوے پر ایہناں دے خلاف کجھ ثابت نہیں ہویا۔ مریم اورنگزیب ہوراں نے آکھیا اے کہ پچھلے صدرمسلم لیگ ن شہباز شریف نے خود آکھیا اے کہ ایہناں دے خلاف دھیلے دی کرپشن وی ثابت ہووے تے اوہ سیاست چھڈدین گے تے قوم کولوں معافی وی منگن گے۔