راولپنڈی: ہیروئن سمگلنگ کیس وچ گرفتار 5برطانوی شہریاں دی ضمانت رد

راولپنڈی: عدالت نے 17کلو ہیروئن سمگلنگ وچ گرفتار 5برطانوی شہریاں دی ضمانت دی عرضی رد کر دتی۔ راولپنڈی دی خصوصی عدالت دے جج نثار بیگ نے ہیروئن سمگلنگ کیس وچ گرفتار برطانوی شہریاں دی ضمانت دی عرضی تے سنوائی کیتی۔

ایس موقع تے اسلام آباد وچ برطانوی ہائی کمیشن دا نمائندہ وی عدالت وچ موجود سن۔ تفتیشی افسر نے عدالت وچ بیان دتا کہ پاکستانی نژاد برطانوی خاندان نوں اسلام آباد ایئر پورٹ توں اینٹی نارکوٹکس فورس نے برطانیہ جاندیاں گرفتار کیتا۔

پلس دے مطابق ملزم عابد توں 12کلو ، بیوی توں 2کلو تے تناں کمسن بالاں توں اک اک کلو ہیروئن برآمد ہوئی۔

عدالت نے 17کلو ہیروئن سمگلنگ کیس وچ پنجے برطانوی شہریاں دیاں ضمانتاں رد کردیاں ریمارکس دتے ایہ گھناؤنا جرم اے جہدے وچ ضمانت نہیں دتی جا سکدی۔ ملزمان وچ عابد منظور، اوہدی بیوی کرن تے 3بال شامل نیں۔