مظفر گڑھ: آئل ٹینکر عملہ اغوا کیس، جمشید دستی سنے 8بندیاں دے خلاف مقدمہ درج

مظفر گڑھ: مظفر گڑھ وچ آئل ٹینکر عملہ اغوا کیس وچ جمشید دستی تے ایلیٹ فورس سے اہلکاراں سنے 8بندیاں دے خلاف مقدمہ درج کر لیا گیا اے۔

پلس نے عوامی راج پارٹی دے سربراہ تے سابق رکن قومی اسمبلی جمشید دستی دی گرفتاری دی کوششاں تیز کر دتیاں نیں۔

وسیلیاں دے مطابق اوہناں دے قریبی دوستاں نوں وی گرفتار کر لیا گیا اے۔ پلس نے سابق چیئرمین یونین کونسل ملک اجمل کالرو تے تاجر رہنما ملک عابد ملانہ نوں گرفتار کرکے تھانہ کرمداد قریشی منتقل کر دتا اے۔ سابق رکن قومی اسمبلی جمشید دستی کئی دناں توں روپوش تے موبائل نمبر وی بند اے۔ خیال رہوے اک مہینے پہلاں پلس اہلکار فرخ شہزاد نے ساتھیاں نال رل کے ڈرائیور توں دو آئل ٹینکر کھوئے سن۔ گرفتار پلس اہلکار فرخ شہزاد، جمشید دستی دا گن مین تے جماعت دا سرگرم رکن وی رہ چکیا اے۔