نوازشریف دا مریم نواز دے لندن آن تک علاج کران توں انکار
لندن: سابق وزیراعظم نوازشریف دی دھی مریم نواز دے لندن آن تک علاج کران توں انکار کر دتا اے۔ سابق وزیراعظم نوازشریف دے ذاتی معالج ڈاکٹر عدنان نے سماجی رابطے دی سائٹ ٹویٹر تے آکھیا کارنری انٹروینیشن دا آپریشن نوازشریف دی خواہش دے مطابق موخر کر دتا گیا اے۔
نوازشریف دی خواہش سی اوہناں دے آپریشن دے ویلے مریم نواز اوہناں دے نال ہون، پچھلی جمعرات نوں کارنری انٹروینیشن دا آپریشن ہونا سی۔نوازشریف دے ذاتی معالج ڈاکٹر عدنان دے مطابق روبیڈیم کارڈیک پیٹ سکین دی رپورٹ وچ نوازشریف نوں دل دی شدید بیماریاں دی نشاندہی ہوئی سی جد کہ بند شریانیاں دی بندش ختم کرن لئی اوہناں دی کارڈیک کیتھیٹائزیشن کیتی جانی سی۔
