ہرنائی وچ کشمیر ریلی وچ تخریب کاری دی کوشش نکام، بم برآمد

بلوچستان دے شہر ہرنائی دی جامع مسیت دے اندر فائرنگ نال پلس اہلکار جاں بحق تے اک بندہ زخمی ہو گیا۔

لیویز دے مطابق جاں بحق پلس اہلکار تبلیغی جماعت دے بندیاں نوں جامع مسیت چھڈن آیا سی تے مسیت وچ پہلاں توں موجودہ بندے نے فائرنگ کر دتی۔ زخمی بندے دا تعلق تبلیغی جماعت نال اے۔

مسلح بندہ فائرنگ کرکے فرار ہون وچ کامیاب ہو گیا۔

ڈی سی ہرنائی دے مطابق واقعے دے بعد مسیت دی تلاشی لئی گئی تے اوتھوں اک مشکوک بیگ ملیا جہنوں چیک کرن لئی بم ڈسپوزل سکواڈ نوں طلب کیا گیا۔

بیگ دا معائنہ کرن تے اوہدے وچوں چار کلو بارودی مواد برآمد ہویا۔ ڈپٹی کمشنر دے مطابق عظیم دمڑ دے مطابق بم ڈسپوزل سکواڈ دی ٹیم نے بیگ وچ موجود بم نوں ناکارہ بنا دتا تے ایہ بارودی مواد کشمیر یکجہتی ریلی وچ تخریب کاری لئی لیایا گیا سی۔