کو ئی قدم نہ چکیا تے افغانستان وچ سبھ توں وڈھا انسانی بحران ویکھنا پئے گا، عمران خان

اسلام آباد (پنجابی میڈیا گروپ)وزیراعظم عمران خان نے آکھیااے کہ کو ئی اقدام نہ چکیا تے افغانستان وچ سبھ توں وڈا انسانی بحران ویکھنا پے گا، فلسطین تے کشمیر دا مسئلہ اقوام متحدہ دی قرارداداں دے مطابق حل ہونا چاہیدا اے، اسلامو فوبیا دے خاتمے لئی او آئی سی کردار ادا کرے ،ات گردی نوں اسلام دے نال جوڑن دے نتیجے وچ اسلامو فوبیا پیدا ہویا۔ اسلامی تعاون دی تنظیم (او آئی سی) دے افغانستان دی صورت حال اتے غیر معمولی اجلاس دے نال خطاب کردیاں ہویاں وزیراعظم عمران خان نے آکھیاے کہ سارے معزز مہماناں نوں پاکستان وچ جی آیاں نوں آکھنا واں۔ خوشی دی گل اے کہ اجلاس وچ شامل سارے ممالک افغانستان دے مسائل توں بخوبی آگاہ نیں۔ ایہناںنے مزیدآکھیا اے کہ کسی وی ملک نوں افغانستان ورغی صورتحال دا ساہمنا نہیں رہیا۔ افغانستان وچ سالہا سال کرپٹ حکومتاںرہیاں، افغانستان دی آبادی غربت دی لکیر توں ہیٹاں اے تے بینکنگ نظام جمود دا شکار اے۔ عمران خان ہوراں نے مزیدآکھیا اے کہ افغان جنگ وچ سبھ توں زیادہ نقصان پاکستان نے چکیا۔ پاکستان نے ات گردی دے خلاف جنگ وچ 80ہزار توں زائدقربانیاں دتیاں نیں۔ 30لکھ افغان مہاجرین دابوجھ برداشت کیتا تے ہن وی لاکھاں افغان مہاجرین پاکستان وچ ہوس رہے نیں۔