پنجاب وچ نواں بلدیاتی نظام اج توں باقاعدہ فعال ہو جاوے گا

راولپنڈی: پنجاب بھر وچ نواں بلدیاتی ایکٹ اج توں باقاعدہ فعال ہو جاوے گا۔

پنجاب بھر وچ نویں بلدیاتی ایکٹ دے تحت تحصیل کونسل نظام، نیبر ہڈ، پنچایت کونسل، میٹروپولیٹن نظام اج جمعرات 6فروری توں باقاعدہ فعال ہو جاوے گا۔

پرانے بلدیاتی نظام دے سارے بلدیاتی اداریاں دے سرکاری بینک اکاؤنٹس بند ہو جان گے، نویں بینک اکاؤنٹ کھل گئے ۔

پنجاب وچ مجموعی طور تے 450تحصیل کونسلاں، میٹروپولیٹن کارپوریشن، میونسپل کارپوریشن تے میونسپل کمیٹیاں بن گئیاں نیں، ضلع کونسل نظام مکمل طور تے ختم کر دتا گیا، صوبہ دی کل 144تحصیل کونسلاں بنائی گئیاں نیں۔