نیب ترمیمی آرڈیننس دا اطلاق 1999توں ہووے گا: احتساب عدالت
لہور: نیب دے ترمیمی آرڈیننس دے اطلاق دے حوالے نال لہور دی احتساب عدالت نے ابہام ختم کر دتا، عدالت نے ترمیمی آرڈیننس دا اطلاق 1999توں کرن دا حکم دے دتا۔
احتساب عدالت دے جج چودھری امجد نذیر نے راجہ پرویز اشرف دے حوالے نال فیصلے دے پیرا 15وچ آکھیا عدالت دے ساہمنے ترمیمی آرڈیننس دے اطلاق دا قنونی نکتہ آیا، دلائل تے ماضی دے عدالتی فیصلیاں دی روشنی وچ ایس نتیجے تے اپڑے نیں ترمیمی آرڈیننس دا اطلاق اوتھوں ہووے گا جتھوں نیب آرڈیننس دا اطلاق ہوندا اے۔ ترمیمی آرڈیننس توں سب توں پہلاں مستفید ہون والے سابق وزیراعظم راجہ پرویز اشرف نیں۔
ذرائع دے مطابق اگلے کجھ دناں وچ پرویز خٹک، مشتاق غنی، علیم خان، سبطین خان، نواز شریف، مریم نواز، حمزہ شہباز، شہباز شریف،شاہد خاقان عباسی، احسن اقبال، خواجہ برادران، فواد حسن فواد ، احد چیمہ، آصف ہاشمی مستفید ہو سکدے نیں۔
