پی آئی اے دا کشمیریاں نال یکجہتی دا دلچسپ انداز، مسافراں وچ کشمیری جھنڈے تقسیم

کراچی: پی آئی اے ولوں کشمیریاں نال یکجہتی دا اظہار کرن دا دلچسپ انداز اپنایا گیا، کراچی توں اسلام آباد جان والی پرواز پی کے 300دے مسافراں وچ کشمیری جھنڈے تقسیم کیتے تے دوران پرواز ’کشمیر بنے گا پاکستان‘ دے نعرے وی لائے۔

اودھر پاکستان انٹرنیشنل ایئر لائن دے ہیڈ آفس وچ یوم یکجہتی کشمیر دے حوالے نال تقریب دا انعقاد کیتا گیا۔ پی آئی اے ملازمین دی چوکھی تعداد نے جمع ہو کے کشمیری عوام دے نال یکجہتی دا اظہار کیتا۔ چیف آپریٹنگ آفیسر پی آئی اے اعجاز مظہر نے اپنے خطاب وچ آکھیا اسیں تے پوری قوم کشمیری عوام دے نال کھڑے آں۔ اوہناں آکھیا وزیراعظم نے اقوام متحدہ دی جنرل اسمبلی تے دوجے بین الاقوامی فورمز وچ مسئلہ کشمیر نوں چکیا، اجہے بین الاقوامی فورمز تے کشمیر دے مسئلہ نوں چُکن دی وجہ توں دوجے ملکاں نے وی کشمیری عوام دے نال یکجہتی دا اظہار کیتا۔