پرویز الٰہی دا حمزہ شہباز نوں پبلک اکاؤنٹس کمیٹی دا چیئرمین بنان دا اشارہ
لہور: پارلیمانی نظام نوں بچان لئی سپیکر پنجاب اسمبلی چودھری پرویز الٰہی دا وڈا اقدام، سپیکر نے حمزہ شہباز نوں پی اے سی ون دا چیئرمین بنان دا اشارہ دیندیاں ن لیگی وفد نوں اگلے ہفتے اسمبلی بلا لیا، معاملہ حل ہون دی صورت وچ ن لیگ سٹینڈنگ کمیٹیاں توں استعفے واپس لے لوے گی۔
تفصیلات دے مطابق پنجاب اسمبلی دی پبلک اکاؤنٹس کمیٹی دا چیئرمین حمزہ شہباز نوں بنوان دے معاملے وچ مسلم لیگ ن تے ق لیگ وچ برف پگھلنا شروع ہو گئی۔
ذرائع داہور کہنا سی معاملہ حل ہوندیاں ای ن لیگی اراکین قائمہ کمیٹیاں توں اپنے استعفے واپس لے لین گے۔ ایس حوالے نال عظمیٰ بخاری آکھیا سپیکر پنجاب اسمبلی چودھری پرویز الٰہی تے معاملات دے حل لئی راضی نیں پر پس پردہ پی ٹی آئی حمزہ نوں چیئرمین بنان تے راضی نہیں حالاں جے پبلک اکاؤنٹس کمیٹی ون دی چیئرمین شپ ساڈا حق سی کیوں جے اسمبلی دی روایت اے کہ پبلک اکاؤنٹس کمیٹی ون دا چیئرمین اپوزیشن لیڈر ہوندا اے۔
