نوازشریف دی واپسی2022وچ ہوئے گی مگر ٹائم ٹیبل نہیں دے سکدے:رانا ثنااللہ

لہور( پنجابی میڈیا)مسلم لیگ(ن)دے رہنما رانا ثنااللہ نے آکھیا اے کہ نوازشریف دی اگلے سال واپسی ہوئے گی تے اوہی ساڈھے وزیراعظم دے امیدوار ہون گے۔اک نجی چینل نال رانا ثناالہ نے گل بات کر دیاں آکھیا کہ موجودہ نااہل ٹولے داویلا ختم ہوچکیا اے،اگلے سال لانگ مارچ،مہنگائی مارچ تے جلسے جلوس ہون گے۔اوہناں نے آکھیا کہ نواز شریف ہی ساڈھے وزیراعظم دے امیدوار ہون گے،پوری قوم نواز شریف ول ویکھ رہی اے،تے ہر مشکل دا حل ایہی ویکھیا جارہا اے کہ نوازشریف واپس آن تے لیڈ کرن،نواز شریف دی اگلے سال واپسی ہوئے گی لیکن اجے ٹائم ٹیبل نہیں دے سکدا۔رانا ثنااللہ داکہنا سی کہ کسی قسم دی ڈیل داتاثر بلکل غلط اے،نواز شریف دی ڈیل عوام تے ووٹ نوں عزت دیو دے نال اے۔