وزیراعظم نال روٹری انٹرنیشنل وفد دی ملاقات، انسداد پولیو اقدامات تے تبادلہ خیال

اسلام آباد: وزیراعظم عمران خان نال روٹری انٹرنیشنل دے وفد نے ملاقات کیتی جہدی قیادت صدر روٹری انٹرنیشنل ہولگر نیئک کر رہے سن، ایس موقع تے پولیو دے خاتمے لئی پاکستان دے اقدامات تے تفصیلی تبادلہ خیال کیتا گیا معاون خصوصی صحت ڈاکٹر ظفر مرزا وی ملاقات وچ موجود سن۔

ڈاکٹر ظفر مرزا نے پولیو دے خاتمے لئی پاکستان وچ کیتے گئے اقدامات تے وفد نوں بریفنگ دتی، اوہناں نے دسیا انسداد پولیو مہم وچ ڈھائی لکھ پولیو ورکرز نے خدمات سرانجام دتیاں، 5ورھے توں گھٹ عمر 4کروڑ بالاں نوں پولیو ویکسین پیائی گئی۔

روٹری انٹرنیشنل دے وفد نے پولیو دے خاتمے لئی حکومتی کاوشاں نوں سراہیا تے پولیو دے مکمل خاتمے دی آس ظاہر کیتی۔