جہانگیر ترین نال پرویز خٹک دی ملاقات، اتحادی جماعتاں نال رابطیاں تے تبادلہ خیال
اسلام آباد: رہنما تحریک انصاف جہانگیر ترین نال حکومتی کمیٹی دے سربراہ پرویز خٹک نے ملاقات کیتی جہدے دوران اتحادی جماعتاں نال رابطیاں دی حکمت عملی تے تبادلہ خیال کیتا گیا، ایس دوران اتحادیاں دے نال رابطے ودھان لئی نویاں کمیٹیاں دی تشکیل تے وی گل بات ہوئی۔
رہنما تحریک انصاف جہانگیر ترین نے بھرپور سیاسی محاذ سنبھال لیا، اتحادی جماعتاں نوں منان والی حکومتی پارٹی دے سربراہ پرویز خٹک سنے ارکان قومی اسمبلی نال ملاقاتاں شروع کر دتیاں۔ پرویز خٹک نے جہانگیر ترین نوں اتحادی جماعتاں نال رابطیاں بارے آگاہ کیتا۔
ملاقات وچ نویاں کمیٹیاں دی تشکیل دے علاوہ ایہ فیصلہ وی کیتا گیا کہ حکومتی کمیٹیاں دے اراکین وزیراعظم نال ملاقات کرکے اتحادیاں نال رابطیاں وچ پیش رفت توں آگاہ وی کرن گے۔
ایہدے توں علاوہ جہانگیر ترین نال مظفر گڑھ توں ایم این اے عامر طلال گوپانگ تے سابق ایم این اے سردار عاشق حسین گوپانگ نے وی ملاقات کیتی۔
رہنما تحریک انصاف نے اراکین اسمبلی جمیل خان، فہیم خان، آفتاب جہانگیر تے عطاء نال وکھر یاں وکھریاں ملاقاتاں وچ سیاسی صورتحال تے باہمی دلچسپی دے امور تے تبادلہ خیال کیتا۔
